
नेपालगन्ज : बर्दियाका ६० वटा स्थानहरुको बारेमा ८ जना गायक गायिकाद्वारा गायिएको नयाँ गीत रिलिज भएको छ। “हाम्रो बर्दिया, राम्रो बर्दिया” बोलको गीत केही दिन अगाडि एपिएस नेपाल युटुब च्यानलबाट रिलिज गरिएको हो।
गीतमा अग्रज गायक तथा सर्जक प्रभात सुवेदी, एकराज पौडेल, रामप्रसाद पौडेल, महेन्देअ सेढाई, कृतिका प्रसाईं, रबिना तिवारी, प्रश्ना सुवेदी र अभिनन्दन सुवेदी गरि ८ जना गायक गायिकाको सुमधुर आवाज रहेको छ।
गीतमा प्रभात सुवेदीकै संगीत अनि रमेश थापाको शब्द रहेको छ। गीतमा बर्दियाका ६० बढी स्थानहरुको बर्णन गीतकार थापाले गरेका छन् । गीत मेलोडियस शैलीमा बनेको छ।
बर्दिया जिल्लालाई कलाको मार्फत देश विदेशमा चिनाउने मनसायले गीत निर्माण गरिएको बताइएको छ । गीतको भाव अनुसारनै भिडियो निर्माण गरिएको छ। गीतको कथाले मागेको दृश्यहरुलाई निर्देशक तथा कलाकार खगेन्द्र नेपालले भिडियोमा स्क्रिन प्ले गराएका छन् ।
खगेन्द्रको निर्देशकिय पाटो भिडियोमा तारिफयोग्य छ। भिडियोमा राघव आचार्यको कोरियोग्राफी रहेको छ। त्यस्तै, सुबास दहितले भिडियोलाई आकर्षक फ्रेममा खिचेका छन् । भने, खगेन्द्र नेपाल, सपना थापा लगायतका कलाकारहरु भिडियोमा फिचर्ड छन् । हेर्नुस् भिडियो..